Urdu Poetry

Advertisement

Tum Aaye Ho Na Shab-E-Intazaar Guzarii Hai
Talaash Men Hai Sahar Baar Baar Guzarii Hai

Junuun Men Jitanii Bhii Guzarii Bakaar Guzarii Hai
Agarche Dil Pe Kharaabii Hazaar Guzarii Hai

Huii Hai Hazarat-E-Naaseh Se Guftaguu Jis Shab
Wo Shab Zaruur Sar-E-Kuu-E-Yaar Guzarii Hai

Wo Baat Saare Fasaane Men Jisakaa Zikr Na Thaa
Wo Baat Unako Bahot Naa-Gavaar Guzarii Hai

Na Gul Khile Hain, Na Unase Mile, Na Mai Pii Hai
Ajiib Rang Men Ab Ke Bahaar Guzarii Hai

Chaman Men Gaarat-E-Gulachiin Se Jaane Kyaa Guzarii
Qafas Se Aaj Sabaa Beqaraar Guzarii Hai

Advertisement

Terii Ummiid Teraa Intazaar Jab Se Hai
Na Shab Ko Din Se Shikaayat Na Din Ko Shab Se Hai

Kisii Kaa Dard Ho Karate Hain Tere Naam Raqam
Gilaa Hai Jo Bhii Kisii Se Terii Sabab Se Hai

Huaa Hai Jab Se Dil-E-Naasabuur Beqaabuu
Kalaam Tujhase Nazar Ko Ba.Dii Adab Se Hai

Agar Sharar Hai To Bha.Dake, Jo Phuul Hai To Khile
Tarah Tarah Kii Talab Tere Rang-E-Lab Se Hai

Kahaan Gaye Shab-E-Furqat Ke Jaaganevaale
Sitaaraa-E-Sahar Ham-Kalaam Kab Se Hai

Advertisement

Tum Jo Pal Ko Thahar Jaao To Ye Lamhen Bhii
Aanevaale Lamhon Kii Amaanat Ban Jaayen
Tum Jo Thahar Jaao To Ye Raat, Mahataab
Ye Sabzaa, Ye Gulaab Aur Ham Donon Ke Khvaab
Sab Ke Sab Aise Mubaham Hon Ki Haqiiqat Ho Jaayen
Tum Thahar Jaao Ki Unavaan Kii Tafasiir Ho Tum
Tum Se Talkhii-E-Auqaat Kaa Mausam Badale
Raat To Kyaa Badalegii, Haaalat To Kyaa Badalenge
Tum Jo Thahar Jaao To Merii Zaat Kaa Mausam Badale
Mahaarbaan Ho Ke Na Thaharo To Phir Yuun Thaharo
Jaise Pal Bhar Ko Ko_Ii Khvaab-E-Tamannaa Thahare
Jaise Daravesh-E-Madaa-Nosh Ke Pyaale Men Kabhii
Ek Do Pal Ke Liye Talkhii-E-Duniyaa Thahare
Thahar Jaao Ke Madaarat Maikhaane Se
Chalate Chalate Ko_Ii Ek-Aadh Subuu Ho Jaaye
Is Se Pahale Ke Ko_Ii Lamhaa Aa_Indaa Ka Tiir
Is Tarah Aaye Ke Pevast-E-Guluu Ho Jaaye