Urdu Poetry

Advertisement

Mujhako Shikavaa Hai Mere Bhaa_Ii Ki Tum Jaate Huye Le Gaye Saath Merii Umr-E-Guzashataa Kii Kitaab

Is Men To Merii Bahut Qiimatii Tasviiren Thiin Is Men Bachapan Thaa Meraa, Aur Meraa Ahad-E-Shabaab

Is Ke Badale Mujhe Tum De Gaye Jaate Jaate Apane Gam Kaa Yah Damakataa Huaa Khuun-Rang Gulaab

Kyaa Karuun Bhaa_Ii, Ye Ezaaz Main Kyuun Kar Pahanuun Mujhase Le Lo Merii Sab Chaak Qamiizon Kaa Hisaab

Aakharii Baar Hai Lo Maan Lo Ik Ye Bhii Savaal Aaj Tak Tum Se Main Lautaa Nahiin Maayuus-E-Javaab

Aake Le Jaao Tum Apanaa Yah Damakataa Huaa Phuul Mujhako Lautaa Do Merii Umr-E-Guzashataa Kii Kitaab

Advertisement

Nasiib Aazamaane Ke Din Aa Rahe Hain
Qariib Un Ke Aane Ke Din Aa Rahe Hain

Jo Dil Se Kahaa Hai Jo Dil Se Sunaa Hai
Sab Un Ko Sunaane Ke Din Aa Rahe Hain

Abhii Se Dil-O-Jaan Sar-E-Raah Rakh Do
Ke Lutane Lutaane Ke Din Aa Rahe Hain

Tapakane Lagii Un Nigaahon Se Mastii
Nigaahen Churaane Ke Din Aa Rahe Hain

Sabaa Phir Hamen Puuchhatii Phir Rahii Hai
Chaman Ko Sajaane Ke Din Aa Rahe Hain

Chalo “Faiz” Phir Se Kahiin Dil Lagaayen
Sunaa Hai Thikaane Ke Din Aa Rahe Hain

Advertisement

Nahiin Nigaah Men Manzil To Justajuu Hii Sahii
Nahiin Visaal Mayassar To Aarazuu Hii Sahii

Na Tan Men Khuun Faraaham Na Ashk Aankhon Men
Namaaz-E-Shauq To Vaajib Hai Be-Vazuu Hii Sahii

Kisii Tarah To Jame Bazm Maikade Vaalo
Nahiin Jo Baadaa-O-Saagar To Haa-O-Huu Hii Sahii

Gar Intazaar Kathin Hai To Jab Talak Ai Dil
Kisii Ke Vaada-E-Fardaa Kii Guftaguu Hii Sahii

Dayaar-E-Gair Men Maharam Agar Nahiin Ko_Ii
To ‘Faiz’ Zikr-E-Vatan Apane Ruu-Ba-Ruu Hii Sahii