Urdu Poetry

Advertisement

Sana-e-Shabbar Aur Meri Zaban Hai
Yeh Mehrab Aqedat Mein Azan Hai
Karoon Mein Zikr Un Ke Munkiron Ka
Aqide Mein Yeh Gunjaish Kahan Hai
Meri Ankhon Ke Darwaze Se Aaen
Mera Dil App Ka Mola Makan Hai

Hasan Ki Manzilat Poocho Nabi Se
Hasan Fikr-e-Nabi Ka Aasmaan Hai
Mere Mola Ke Haathon Mein Qalam Hai
Ameer-e-Hsaam Kuin Larza Bajan Hai
Ali Ka Bughz Chehron Per Likha Hia
Ali Ka Ishq Ankhon Se Ayaan Hai

Puhanche Hain Ali Iss Ki Madad Ko
Ali Ke Manne Wala Jahan Hai
Khushi Hia Fatima Zehra Ke Gher Mein
Ameer Shaam Ke Gher Mein Fugan Hai
Farishton Ne Diya Paigham-e-Qudrat
Hasan Ka Zikr Hi Husn-e-Bayan Hai

Advertisement

Sadaa Deti Hai Khushboo Chaand Taare Bol Parte Hain
Nazar Jaisi Nazar Ho To Nazaare Bol Parte Hain

Mehak Jaate Hain Gul Jaise AnMoL Ke Choom Lene Se
Agar Lehrayein Mukhaatib Hon Kinaare Bol Parte Hain

Zabaan Se Baat Karane Mein Jahaa Rusvaayee Hoti Hai
wahaan Khaamosh Aankhon Ke Ishaare Bol Parte Hain

Chupanaa Chaahate Hain Un Se Dil Ka Haal Hum Lekin
Humaare Aansu-o-n Mein Ghum Hamaare Bol Parte Hain

Terii Pabandiyon Se Ruk Nahin Sakatin Ye Faryaadein
Agar Hum Chup Rahein To Zakhm Saare Bol Parte Hain

Advertisement

Sab Say Chuppa Kar

Sab Se Chuppa Ker Dard, Jo Woh Muskura Diya
Us Ki Hansi Ney To Aaj Mujhey Rulla Diya

Lehjey Sey Uth Raha Tha Her Ik Dard Ka Duhan
Chehra Bata Raha Tha Kay Kuch Ganwa Diya

Awaz Main Thehrao Tha Aankhon Main Nammi Thi
Aur Keh Raha Tha K Main Ne Sab Kuch Bhulla Diya

Janey Kiya Usko Logoon Sey Thin Shikayaten
Tanhayon Kay Dais Main Khud Ko Basa Diya

Khud Bhi Woh Hum Se Bicher Ker Adhura Sa Ho Giya
Mujh Ko Bhi Itnay Logon Main Tanha Bana Diya