Urdu Poetry

Advertisement

Kya Ho Tum ?

Chalo Mein Batao Kya Ho Tum,
Meray Liye Meri Duniya Ho Tum,
Chu Kar Jo Guzri Woh Hawa Ho Tum,
Mein Ney Jo Mangi Woh Dua Ho Tum,
Karey Mujh Ko Jo Roshan Woh Diya Ho Tum,
Dil Yeh Kahey Mera Jiya Ho Tum,
Kiya Mein Ney Mahsoos Woh Ehsaas Ho Tum,
Meray Honto Ki Pyaas Ho Tum,
Meray Baahon Ki Aas Ho Tum,
Meri Nazar Ki Talaash Ho Tum,
Meri Zameen Ka Akaash Ho Tum,
Meray Chehrey Ki Kashish Ho Tum,
Meray Sitaron Ki Gardish Ho Tum,
Meri Zindagi Ka Karaar Ho Tum,
Mein Ney Jo Chaha Woh Pyaar Ho Tum,
Meray Intizaar Ki Raahat Ho Tum,
Meray Dil Ki Chaahat Ho Tum,
Tum Ho To Yeh Duniya Hai Meri,
Kaisey Kahoo Key Meri Haan Ho Tum

Advertisement

Kuch Toot Gaye Hain Kuch Khawab Baaqi Hain
Maazi Ki Wafaon Main Kuch Sarab Baaqi Hain

Ab Bhi Waazai Nahin Hui Tasveer Zindagi Ki
Darparda Ab Bhi Kuch Naqaab Baaqi Hain

Har Sawal Apni Jagah Joon Ka Toon Raha
Zubaan Pe Shikayaton Ke Kuch Jawab Baaqi Hain

Khali Hua Behte Behte Yaad Main Behta Sagar
Phir Bhi Nigahon Main Kuch Sailaab Baaqi Hain

Maaf Kiya Khoon-E-Jigar Apna Kisi Dosti Ko
To Usi Dosti Se Kuch Hisaab Baaqi Hain

Kisi Ka Aasmaan Tareekiyon Ka Ujala Ban Gaya
Kahin Be-Rukhi Ke Kuch Mehtaab Baaqi Hain

Mar Bhi Nahin Sakte Ab To Sukoon-E-Zalim
Hasrate Reh Jaain Gi Kuch Hijaab Baaqi Hain

Musalsal Jal Rahe Aatish-E-Ishq Ke Angaron Main
Parastish Ke Aur Bhi Kuch Aadaab Baaqi Hain

Kaghaz Ke Nazaron Se Mahak Aaye Gi Kaise
Haqeeqat Ke Guldano Main Kuch Gulaab Baaqi Hain

Sab Ko Samajh Na ‘Shaiki’ Tu Yaar Be Wafa
Teri Tarah Lute Yahan Kuch Nawab Baaqi Hain!!

Advertisement

Kuch Door Humare Saath Chalo Hum Dil Kee Kahaani Kah Deinge
Samajhe Na Jise Tum Aankhon Se Vo Baat Zubaani Keh Deinge

Phoolon Kee Tarha Jab Hoontoo Pe Ek Shokh Tabasum Bikharegaa
Dheeray Se Tumhaare Kaanoo Mein Ek Baat Puraani Keh Deinge!

Izhaar-E-Vafaa Tum Kiya Jaano Iqraar-E-Vafaa Tum Kiya Jaano
Hum Zikr Karenge Gairon Kaa Aur Apni Kahaani Keh Deinge

Mausam Tu Baraa Hee Zaalim Hai Toofan Uthaata Rehta Hai
Kuch Log Magar Is Hal-Chal Ko Bud-Mast Javaani Keh Deinge!