Urdu Poetry

Advertisement

Kabhi Kitabon Mein Phool Rakhna

Kabhi Kitabon Mein Phool Rakhna
Kabhi Darakhton Pe Naam Likhna
Hamein Bhi Yaad Hai Aaj Tak Wo
Nazar Say Harf-e-Salam Likhna

Wo Chand Chehray, Wo Behki Batein
Sulagtay Din Thay, Sulagti Ratein
Wo Chotay Chotay Se Kaghazon Par
Muhabbaton Kay Payaam Likhna

Gulab Chehron Say Dil Lagana
Wo Chupkey Chupkey Nazar Milana
Wo Arzu’on Kay Khwab Bun’na
Wo Qissa-e-Na Tamaam Likhna

Mere Nagar Ki Haseen Fizao
Kaheen Jo Un Ka Nishan Pao
To Poochna Ke Kahan Basay Wo
Kahan Hai Un Ka Qayam Likhna

Gayee Ruton Mein Rubab Apna
Bas Ek Yeh Hi To Mashghala Tha
Kisi Kay Chehray Ko Subah Likhna
Kisi Kay Chehray Ko Sham Likhna

Advertisement

Sarey Jahan Ki Khushiyan Uska Naseeb Kar Dey
Hansta Rahe Sada Woh Usey Khush Naseeb Kar Dey

Kabhi Dil Na Uska Tootey Kabhi Chot Woh Na Khaye
Usko Wafa Ke Ya Rab Itna Qareeb Kar Dey

Us Ke Labon Par Sada Muskrahtein Hon
Qismat Mein Us Ke Hansna Mere Habib Kar Dey

Chal Kar Jahan Bhi Jay Phoolon Ke Raaste Hon
Manzil Har Khushi Ki Us Ke Qareeb Kar Dey

Dil Mera Ab Tak Kahan Mutmae’en Hua Hai
Us Ke Dukhon Ko Ya Rab Mera Naseeb Kar Dey

Advertisement

PYAR CHUPTA NAHI CHUPAANE SE

Pooch Lo Tum Bhi Iss Zamaane Se
Pyar Chupta Nahi Chupaane Se

Paas Aatey Ho Choote Ho Baat Karte Ho
Kabhi Matlab Se Kabhi Bahaaney Se

Pyar Dil Mein Hai Tau Laao Zubaan Pe
Aag Barhti Hai Ye Bujhaaney Se

Tumhein Na Paana Shayad Behtar Hai
Paa Ke Phir Se Tumhein Gawaaney Se

Chalo Ek Dua To Apni Poori Huwi
Mil Liye Apne Ek Deewaane Se

Karo Koshish Ke Qurbatein Hi Rahein
Dooriyan Barh Jati Hain Barhaney Se

Kya Sunayein Kisi Ko Raaz-E-Dil
Dard Bhi Barhta Hai Sunaaney Se

Bhool Jaao Kar Ke Achha Hai Aryaan
Ehsaan Rehta Nahi Jataaney Se……