Advertisement
Terii Ummiid Teraa Intazaar Jab Se Hai
Na Shab Ko Din Se Shikaayat Na Din Ko Shab Se Hai
Kisii Kaa Dard Ho Karate Hain Tere Naam Raqam
Gilaa Hai Jo Bhii Kisii Se Terii Sabab Se Hai
Huaa Hai Jab Se Dil-E-Naasabuur Beqaabuu
Kalaam Tujhase Nazar Ko Ba.Dii Adab Se Hai
Agar Sharar Hai To Bha.Dake, Jo Phuul Hai To Khile
Tarah Tarah Kii Talab Tere Rang-E-Lab Se Hai
Kahaan Gaye Shab-E-Furqat Ke Jaaganevaale
Sitaaraa-E-Sahar Ham-Kalaam Kab Se Hai
Posted by hamza
Read More
Advertisement
Tum Jo Pal Ko Thahar Jaao To Ye Lamhen Bhii
Aanevaale Lamhon Kii Amaanat Ban Jaayen
Tum Jo Thahar Jaao To Ye Raat, Mahataab
Ye Sabzaa, Ye Gulaab Aur Ham Donon Ke Khvaab
Sab Ke Sab Aise Mubaham Hon Ki Haqiiqat Ho Jaayen
Tum Thahar Jaao Ki Unavaan Kii Tafasiir Ho Tum
Tum Se Talkhii-E-Auqaat Kaa Mausam Badale
Raat To Kyaa Badalegii, Haaalat To Kyaa Badalenge
Tum Jo Thahar Jaao To Merii Zaat Kaa Mausam Badale
Mahaarbaan Ho Ke Na Thaharo To Phir Yuun Thaharo
Jaise Pal Bhar Ko Ko_Ii Khvaab-E-Tamannaa Thahare
Jaise Daravesh-E-Madaa-Nosh Ke Pyaale Men Kabhii
Ek Do Pal Ke Liye Talkhii-E-Duniyaa Thahare
Thahar Jaao Ke Madaarat Maikhaane Se
Chalate Chalate Ko_Ii Ek-Aadh Subuu Ho Jaaye
Is Se Pahale Ke Ko_Ii Lamhaa Aa_Indaa Ka Tiir
Is Tarah Aaye Ke Pevast-E-Guluu Ho Jaaye
Posted by hamza
Read More
Advertisement
Yuun Sajaa Chaand Ki Jhalakaa Tere Andaaz Kaa Rang
Yuun Fazaa Mahakii Ki Badalaa Mere Hamaraaz Kaa Rang
Saayaa-E-Chashm Men Hairaan Rukh-E-Raushan Kaa Jamaal
Surkhii-E-Lab Pe Pareshaan Terii Aavaaz Kaa Rang
Bepiye Hon Ki Agar Lutf Karo Aakhir-E-Shab
Shiishaa-E-May Men Dhale Subah Ke Aagaaz Kaa Rang
Chango-Nay Rang Pe The Apane Lahuu Ke Dam Se
Dil Ne Lay Badalii To Madham Huaa Har Saaz Kaa Rang
Ik Sukhan Aur Ki Phir Rang-E-Takallum Teraa
Harf-E-Saadaa Ko Inaayat Kare Ejaaz Kaa Rang
Posted by hamza
Read More
