Urdu Poetry

Advertisement

Aaj Kuch Maangtay Hain Tum Say
Aaj Kuch Maangna Hay Tum Say
Aaj Kuch Lena Hay Tum Say
Aaj Kuch Dena Hay Tum Ko
Aaj Kuch Kehna Haz Tum Ko
Na He Koi Khuwahish, Tamanna Na Arzoo
Bas Aik Hi Chah Hai Apni Aur Aik Hi Justaju
Ker Bojh Apnay Dil Ka Halka Hamen Bataday
Ye Fikar Ye Udasi Kioon Hay Zara Sunaday
Laaye Hain Ham Baharain Teray Hi Waastay
Ye Rang Aur Ye Khushboo Teray Hi Waastey
Aaj Kuch Maangtay Hain Tum Say
Aaj Kuch Maang Na Hay Tum Say

Woh Khar Khar Hai Shakh E Gulab Ki Manand
Main Zakhm Zakhm Hoon Phir Bhi Galey Lagaoon Use

Advertisement

Kis Ko Paar Utara Tum Ne Kis Ko Paar Utaro Ge…
Mulaho Tum Pardesi Ko Beech Bhanwar Mein Maaro Ge…

Moun Dekhe Ki Meethi Baatein Sunte Itni Umar Hoi…
Aankh Se Ojhal Hote Hote Hee Se Humein Basaro Ge…

Aaj To Hum Ko Pagal Kehlo, Pathar Phenko, Tanz Karo…
Ishq Ki Baazi Khel Nahin Hai, Khelo Ge To Haaro Ge…

Ehl-E-Wafa Se Tark-E-Taaluq Kerlo Per Aik Baat Kahein…
Kal Tum Un Ko Yaad Karo Ge, Kal Tum Unhein Pukaro Ge…

Un Se Hum Se Pyaar Ka Rishta, Ae Dil Chhoro Bhool Chuko…
Waqt Ne Sab Kuchh Mait Diya Hai, Ab Kiya Naqsh Ubharo Ge…

‘Insha’ Kis Soch Mein Doobey, Dar Per Bethe Dair Hoi…
Kab Tak Us Bakht Ke Badle, Apne Baal Sanwaro Ge…