Yeh Ehesas

Yeh Ehesas Hai Kaunsa, Jo Hume Bar Bar Tadpata Hai,
Jane Kyu Hurdum Tera Hi Khayal Ata Hai,

Chand Ko Dekhti Hoon, Jab Bhi Teri Baate Sochti Hoon,
Teri Mujshe Yuh Dilagi Karna, Chehre Pe Muskurahat Lata Hai,

Intezaar Rehta Hai Besabri Se, Ke Kab Tumse Mulakat Ho,
Par Jab Samne Hote Ho Tum, To Dil Thoda Sa Gabrata Hai,

Chahati Hoon Mai, Ke Yuhi Hum Ek Doosre Se Baate Karte Rahe,
Yeh Dil Bhi Mera Na, Bade Ajeeb Se Sapne Aab Sajata Hai,

Mehefil Me Baithi Hoon, Dosto Ki Bheed Hai,
Tanhai Samajh Kar Yeh Dil Tujh Ko Hi Kyu Bulata Hai,

Yeh Kya Hogaya Hai Mujhe, Yeh Kaisi Bekarari Hai,
Kya Yeh Mitha Ehesas Hi Pyar Kehelata Hai?

                          

Hamara Kya Hai Ke Ham Toh Chiraagh-E-Shab Ki Tarah
Agar Jalay Bhi To Bas Itni Roshani Ho Gi
Ke Jaisay Tund Andheron Ki Raah Mein Jugnoo
Zara Si Dair Ko Chamkay, Chamak Ke Kho Jaye
Phir Is Ke Baad Kisi Ko Na Kuch Sujhaaii De
Na Shab Katay Na Suraagh-E-Seher Dikhaaii De

Hamara Kya Hai Ke Ham To Pas-E-Ghubaar-E-Safar
Agar Chalay Bhi To Bas Itni Raah Tay Ho Gi
Ke Taiz Hawaa’on Ke Zard Maa’il Naqsh-E-Qadam
Zara Si Dair Ko Ubhray, Ubhar Ke Mit Jaye
Phir Us Ke Baad Na Raasta Na Rah-Guzar Milay
Had-E-Nigaah Talak Dasht-E-Bekinaar Milay

Hamari Simt Na Dekho Ke Koii Dair Mein Ham
Qabeela-E-Dil-O-Jaan Juda Honay Waalay Hein
Basay Basaaye Huye Sheher Apni Aankhon Ke
Misaal-E-Khaanaa-E-Veeraan Ujarnay Waalay Hein
Hawaa Ka Shor Ye Hi Hai To Dekhtay Rehna
Hamari Umer Ke Khaimein Ukharnay Waalay Hein

Kuch To Main Bhi Bohat Dil Ka Kamzor Hoon
Kuch Mohabbat Bhi Hai Fitratan Badgumaan.

                          

Tumhari Yaad Jab Ati Mujhe Ehsaas Nahi Hota.

Yeh Jo Bayan Karti Hai Ankhen Woh Lab Kaise Kahe,
Sabhi Toh Sun Liya Humne Par Itmenan Nahi Hota.

Har Ek Umeed Se Jude Hai Waqt Ke Yeh Lamhe,
Raah Kaisi Bhi Ho Namumkin Kuch Nahi Hota.

Jab Tum Haste Ho Toh Koi Dukh Nazar Nahi Aata,
Kabhi Samandar Ka Talaab Se Muqabala Nahi Hota.