Jab Koi Shakhs
Advertisement
Jab Koi Shakhs,
Hamari Zaat K Nazdeek Hota Hey,
K Uski Khushboo Apni Sans Mein Tehleel Hoti Hey,
Magar Najane Kiun…….
Hamare Apne Hathon Uski Phir Tazleel Hoti Hey.
Phir Uske Dil Se Uthti Sargoshi,
Ik Shor Nagawar Sa Maloom Hoti Hey.
Wo Itna Nazron K Nazdeek Hota Hey,
K Uska Aks Bhi….
Dhundla K Apni Aankh Se Phir Mitne Lagta Hey,
Uski Khushboo Se Bhi Dam Ghutne Lagta Hey.
Magar Jab Koi Taaqat Usko Ham Se Door Karti Hey,
Phir Wohi Nazar Bhi Bahosh Ho Kar…
Deedar Ussi Shakhs Ka Bharpoor Karti Hey.
Aur Uski Dharkanon Mein..
Naam Apna Goonjta Mehsoos Hota Hey,
Uski Aahat Se Dil Manoos Hota Hey.
Uski Har Ik Jhalak Phir Isqadar Pur Asr Hoti Hey
DARASAL US GHARI MEIN HAM KO USKI QADR HOTI HEY
Tags: life poetry
